Համապատասխանության հայտարարագրի գրանցման համար սերտիֆիկացման մարմին են ներկայացվում հետևյալ փաստաթղթերը՝

• Հայտ
• ներկայացվող համապատասխանության հայտարարագիրը՝ ստորագրված հայտատուի կողմից (իրավաբանական անձի դեպքում՝ կազմակերպության ղեկավարի կողմից) և վավերացված կնիքով (ֆիզիկական անձի համար՝ գրանցված որպես անհատ ձեռնարկատեր, առկայության դեպքում),
• իրավաբանական կամ ֆիզիկական անձի պետական գրանցումը հաստատող փաստաթղթերի պատճեններն՝ անդամ պետությունների օրենսդրությանը համապատասխան,
• օտարերկրյա արտադրողի հետ պայմանագրի պատճենը, որը նախատեսում է մատակարարվող արտադրանքի համապատասխանության ապահովումը տեխնիկական կանոնակարգերի պահանջներին և պատասխանատվությունը սահմանված պահանջներին ՄՄ տարածք մատակարարվող արտադրանքի անհամապատասխանության համար (անձի համար, ով կատարում է օտարերկրյա արտադրողի գործառույթները),
• տեխնիկական կանոնակարգերի պարտադիր պահանջներով սահմանված դեպքերում՝ այլ փաստաթղթեր:

Անկողմնակալությունը դա օբյեկտիվության դրսևորումն է, որը  նշանակում է, որ գոյություն չունի շահերի բախում կամ դրանք կարգավորված են այնպես, որ բացասաբար չեն ազդում սերտիֆիկացման մարմնի աշխատանքների վրա:

Անկողմնակալությանը սպառնացող ռիսկերն են՝ սեփական շահը, ինքնավերլուծումը, պաշտպանությունը, քաջատեղյակությունը, վախկոտությունը, մրցակցությունը։

Սերտիֆիկացումը դա երրորդ կողմի համապատասխանության գնահատումն է, որը վերաբերում է արտադրանքին, գործընթացներին, համակարգերին կամ անձնակազմին։